El miércoles 20 d’avientu va tener llugar la gran final de la Olimpiada Escolar de Redaición Urbano Rodríguez. Clasificaron 17 escolines y escolinos de nueve centros educativos, qu’amás d’optar a la victoria final, van poder disfrutar d’una visita guiada al interesantísimu Muséu Arqueolóxicu d’Asturies. ¿Conoces a dalgún de los finalistes?
Son Sonia Martínez y Wiam Ezzairi, del CP Maestro Casanova de Cangas del Narcea; Ana Menéndez y Lola Álvarez, del CP San Cloyo; y Eidur Riaño y María Montserrat Fernández, del Maurista Auseva d’Uviéu, na categoría de Primaria.
Mentes, na de Secundaria y Bachilleratu clasificaron Emma Varela y Xune Artime, del IES Candás; Aitana Carcedo y Gada Casielles, del IES Santa Bárbara de La Felguera; Martín Peña, del IES Cristo del Socorro de Lluanco; Jimena Canga y Xabela Titos, del IES Bernaldo de Quirós de Mieres; Román García y Tomás Moro, del IES Juan José Calvo Miguel de Sotrondio; y Candela Fernández y Mario Vergara, del IES Ramón Areces de Grau.
La primer fase celebróse’l 17 de payares, na que tomaron parte más de 150 estudiantes. Toos fixeron una redaición a partir d’un tema propuestu nesi mesmu momentu, al igual que va asoceder mañana nel Arqueolóxicu, sede de la final al tar n’obres el llar de l’Academia de la Llingua Asturiana, que ye la institución qu’estama esti concursu.
Muncha suerte a tolos finalistes. Y si participasti y nun consiguisti pasar, lleer muncho ye la meyor manera de ganar pallabreru y facilidá pa la escritura.¡De xuru que l’añu qu’entra tienes opciones!
