Llegáu recién d’un llargu viaxe dende’l mar de los Sargazos, L’Anguleru yá ta n’Asturies. Viéronlu pela mariña occidental d’Asturies con destín a L’Arena, onde va entrar pel ríu Nalón pa facer mui especial esta Nuechebona a les neñes y neños asturianos.
A les 18 hores ta prevista la so llegada a puertu, onde va participar na cabalgata organizada nel llugar pola Asociación Cultural Garabuxada. Darréu va ponese a pescar l’angula que llueu vende pa poder llevar regalos pela nueche a toles cases asturianes.
Nun escaezas poner un gorru de llana baxo’l ramu nada o l’árbol de Navidá con dalgo de comer y beber pa que L’Anguleru pueda reponer fuercies y pela mañana atoparás dalguna sorpresa. ¡Cómo presta la Navidá y L’Anguleru!
