Del miércoles al vienres van representase en Xixón trés espectáculos n’asturianu. Llega un añu más Escenines pa la Reciella, el festival navidiegu que va facenos disfrutar esti añu con ‘La neña de les trences del revés’, ‘Ágada, guardiana de la viesca’ y ‘Cuidáu coles palabres’.
El Patiu del Antiguu Institutu va acoyer les trés funciones a les 19 hores, toes con accesu llibre hasta completar l’aforu, polo que recomendámoste dir con tiempu. La primera va ser, esta tarde, ‘La neña de les trences del revés’, d’El Callejón del Gato a partir de la prestosu cuentu d’Iris Díaz Trancho.
Narra la historia de les neñes Thana y Deva, que viven lloñe una d’otra, en Mali y n’Asturies, pero nun son mui distintes. Una nueche la Lluna, como un espeyu máxicu, permíte-yos conocese y falar.
Mañana vas tener la oportunidá de conocer lleendes de seres mitolóxicos con ‘Ágada, guardiana de la viesca’, mentes que pal vienres ‘Cuidáu coles palabres’ va tresportate a una biblioteca.
