‘El lliriu blancu’ ye’l títulu yá conocíu de l’aventura nueva d’Astérix, la númberu 40, pero agora tamién sabemos cómo va ser la so portada. El cómic va salir a la venta a nivel mundial el 26 d’ochobre n’asturianu y n’otres 19 llingües.
Esti cómic del galu llega cola novedá de contar con un guionista nuevu, de nome Fabcaro. Ye por ello que ta creando más espectación del que por sí provoca cualquier novedá sobre Astérix.
Vas poder atopalu nes llibreríes asturianes el 26 d’ochobre. Mientres tanto, puedes disfrutar d’otru títulu n’asturianu nuevu, ‘Astérix llexonariu’, el númberu 10 de la serie, que Salvat-Bruño ta acabante d’asoleyar en llingua asturiana.
