Los Premios Lliterarios, que cuenten con un gallardón destináu a la lliteratura infantil y xuvenil, el María Josefa Canellada, presenten una novedá esti añu. Nel 2024 van concursar namás obres destináu pa un públicu infantil, afitando asina un sistema rotatoriu.
¿Qué quier dicir eso? Que cada añu les obres que se presenten han tar destinaos a pequeños o mozos, polo que nel 2025 la convocatoria va ser pa los más mayores.
Asina, esti 2024 pueden participar propuestes pa prellectores, primeros llectores o rapacinos con habilidaes llectores. Un cambiu col que se pretende potenciar la ellaboración d’histories pa los vuesos hermanos o hermanes pequeñes, o pa los qu’entamáis a tener comprensión de testos, yá qu’amás de la ganadora, que se va espublizar como parte de la recompensa, munches de les que nun ganen el premiu ven llueu la lluz en diferentes editoriales.
Los autores tienen hasta’l día 26 pa presentar les sos creaciones pa esta decimosétima edición del gallardón. Naguamos yá por conocer los sos cuentos.
