La nueche del 23 de xunu celébrase la nueche de San Xuan. Ésta ye una folixa mui prestosa con muncha tradición n’Asturies na que pel día engalanamos les fontes y pela nueche quemamos fogueres.
Pero, ¿por qué lo facemos? Los nuesos antepasaos entendíen esta fecha, cuando se celebra’l solsticiu de branu, esto ye, cuando’l día ye más llargu que nunca y la nueche más curtia, como una xornada na que facer cultu al sol y al agua. Pero ten una cosa en cuenta, en realidá esti nueche ye la del 20 al 21, pero la relixón treslladó la celebración al 23 al 24, d’ehí’l nome de San Xuan.
Ye, poro, una nueche máxica na que tamién les xanes, eses muyeres de gran guapura que según les lleendes vive nes fontes, salen a la vista de les persones. O cuando sal cola primer lluz del día la flor d’agua, trayendo al que l’atopa amor, belleza y salú.
Pues conocer más detalles sobre San Xuan nesti reportaxe qu’espublizamos n’A la Gueta los Suaños. Una bona manera de conocer una folixa mui prestosa cola qu’arrancamos la estación de branu que nos presta tanto.
