El festival navidiegu d’espectáculos en llingua asturiana Escenines pa la Reciella ufre una sesión nueva. Nesta ocasión presenta la obra ‘Ágada, guardiana de la viesca’, de Teatro del Cuervo, que presenta lleendes, histories y seres mitolóxicos.
Ágada ye una habitante de la viesca a la que-y nomaron va poco guardiana de la mesma, pero yá nun pue más y convoca un conceyu con tolos seres mitolóxicos. Éstos, procedentes de tolos requexos d’Asturies, son los que-y cuenten histories a la nuesa collacia, que nos va contar agora a nosotros.
La función, de baldre, va principiar a les 19 hores d’esta tarde nel patiu del xixonés Antiguu Institutu, pero ‘Reciella. Families pol Asturianu’ recomienda dir con antelación porque ye cuasi seguru que s’enllene y esiste la posibilidá de nun poder entrar al espaciu. Mañana, nel mesmu llugar y la mesma hora, Guayominí Producciones va representar ‘Cuidáu coles palabres’.
Na semeya, Ágada sostién una xana.
