Yá se conocen los finalistes del VII Premiu y Festival Nel Amaro de Teatru Profesional en Llingua Asturiana o Gallego-asturiano. Un añu más les funciones destinaes a un públicu infantil y xuvenil ocupen les places de finalistes, obres que vamos poder disfrutar n’ochobre nel uvieín Teatru Filarmónica xunto cola ganadora del añu pasáu, ‘Les madreñes vacíes’.
Les trés que se van representar son ‘Xuan Soldáu’, de Carlos Alba; ‘El gorrumbu’, de Saltantes Teato; y ‘Caperucita en Muniellos’, d’Escenapache. Les feches previstes son los vienres 6, 13 y 20 d’ochobre, a les 18 hores con entrada llibre hasta completar aforu.
Esti añu, como novedá, tamién van ponese n’escena como exhibición dos de les ganadores d’años anteriores. Una d’ella, tamién del actor conocíu como Cellero, ta destináu a un públicu infantil, ‘Les madreñes vacíes’, que va pesllar la fase de festival del Nel Amaro’l 27 a les 18 hores.
